Momskompensasjon for frivillige lag og organisasjonar

Formålet med ordninga er å fremme frivillig aktivitet. Ordninga skal kompensere for kostnader som frivillige organisasjonar har til  meirverdiavgift ved kjøp av varer og tenester. 

Målgruppe for ordninga er frivillige organisasjonar som er registrerte i Frivilligregisteret. I tillegg til å vere i målgruppa stiller forskrifta ei rekke krav som må vera oppfylt for å kunne få momskompensasjon. Sjå Lotteri- og stiftelsestilsynets nettside for meir informasjon om krav til søknad. 

Momskompensasjonen skal brukast i den delen av verksemda som har vore grunnlag for tildelinga av kompensasjonen. 

Søknad med pliktige vedlegg skal leverast elektronisk via nettsida til Lotteri- og stiftelsestilsynet. Søknadsfristen er 2. september 2024.

Dersom organisasjonen er knytt til eit sentralledd anten organisatorisk og/eller gjennom vedtekter (til dømes Norges idrettsforbund, Noregs Røde Kors, Norske Kvinnes Sanitetsforening), så skal søknaden sendast via sentralleddet. Hugs at sentralledd har eigne søknadsfristar som er tidlegare enn 1. september.