Tilskot til samfunnsnyttige og humanitære organisasjonar frå speleoverskotet til Norsk Tipping

Ordninga skal bidra til å trygge viktige samfunnsoppgåver som store landsdekkande organisasjonar utfører på områda helsa, sosiale  tenester, krisehjelp og støttearbeid, natur-, miljø- og dyrevern. Den skal i tillegg sikre at sentrale rednings- og beredskapsoppgåver kan førast vidare. 

Nokre sentrale vilkår for å kunna delta i ordninga: 

• Søkar må ha eit fordelingsgrunnlag på minimum 10 millionar kroner. 
• Søkar må vere førehandsgodkjent etter pengespelforskrifta § 38. 
• Søkar må vera landsdekkande. Underledd eller avdelingar må ha jamleg regional og lokal aktivitet i minst fire av fem landsdelar. 
• Minst 50 prosent av søkars totale driftskostnader må vere for nasjonal aktivitet. 

Vilkår elles går fram av §4 i forskrifta. 

Tilskotet er i utgangspunktet frie midlar, men kan ikkje nyttast til å kryssubsidiera økonomisk verksemd i strid med reglane i EØS-avtalen om offentleg støtte.